Qaraǵandy perınataldyq ortalyǵy kúrdeli jóndeýden ótedi
QARAǴANDY. QazAqparat – Qaraǵandy oblystyq perınataldyq ortalyǵy kúrdeli jóndeýden ótedi. Qurylysshylar jumysty jarty jyldyń ishinde aıaqtaýdy josparlap otyr, dep habarlaıdy QazAqparat tilshisi.
Bul medıtsınalyq mekemede oblystyń ár túrli akýsherlik patologııalary bar áıelderi baqylanady. Bul jerde kásibı dárigerlerdiń baqylaýynda bolashaq analar ǵana emes. Ortalyqta sondaı-aq dene salmaǵy óte tómen jańa týǵan nárestelerdi emdeıdi. Jyl saıyn munda alty myńnan astam sábı dúnıege keledi.
175 orynǵa arnalǵan ortalyqty jóndeýge jabý onyń úlken suranysyna baılanysty múmkin emes, sondyqtan jóndeý kezeń-kezeńmen júrgiziledi. Kóp uzamaı munda santehnıka men shatyr aýystyrylady. Jańa jabdyqtar men jıhazdar jetkiziledi.
Bólimshelerdi qaıta josparlaýdan basqa, ortalyqta trıaj (ZN) júıesi boıynsha qabyldaý bólmesine jóndeý júrgiziledi. Bul medıtsınalyq suryptaý, ol búkil álemdegi aýrýhanalarda júzege asyrylady jáne naýqastardy jedel kómek kórsetý negizinde bóledi.
Qabyldaý aımaqtary túrli tústi bolady. Josparlanǵan patsıentter «jasyl» aımaqqa barady. «Sary» aımaqta shuǵyl kómekti qajet etpeıtin áıelder qaralady. Al «qyzyl» aımaq - bul dárigerlerdiń shuǵyl kómegin qajet etetin adamdardy qabyldaý bólimi.
Dárigerlerdiń aıtýynsha, kúrdeli jóndeýden keıin óńir turǵyndary yńǵaıly jaǵdaıda bosanýǵa múmkindik alady.
