Qaraǵandy – Pavlodar tasjolynda polıtseıler qar qursaýynan úsh kólikti shyǵardy
NUR-SULTAN. QazAqparat – Jolda kóligimen qarǵa batyp qalǵan júrgizýshiler baılanyssyz qalǵan, dep habarlaıdy QazAqparat tilshisi ІІM baspasóz qyzmetine silteme jasap.
«28 qańtar kúni tún aýa Qaraǵandy Pavlodar tasjolynyń 70-shi shaqyrymynda polıtsııa qyzmetkerleri jolda qarǵa tyǵylyp qalǵan úsh kólikti shyǵaryp aldy. Jol jabyq bolǵan. Alaıda olar jolǵa qashan jáne qalaı shyǵyp ketkenin moıyndamaı otyr», - dep habarlaıdy ІІM-nen.
Іshki ister mınıstrliginiń habarlaýynsha, júrgizýshiler baılanyssyz qalǵan.
«Jolda polıtsııa qyzmetkerleri kezdesip, júrgizýshilerdiń joly bolyp otyr. Áıtpese, tehnıkany uzaq kútýge týra keler edi. Joldy qarmen tazartyp, kólikter qalaǵa deıin jetkizildi», - dep habarlaıdy mınıstrliktiń baspasóz qyzmeti.
