Qaraǵandy, Pavlodar, Almaty oblystarynda aıaz kúsheıedi - 15 jeltoqsanǵa arnalǵan aýa raıy boljamy
ASTANA. 14 jeltoqsan. QazAqparat - Respýblıkanyń basym bóliginde sýyq keń aýqymdy antıtsıklon saqtalady, soǵan baılanysty qatty aıaz bolady dep kútilýde. Bul týraly Qazgıdrometke silteme jasaı otyryp QR TJM-niń baspasóz qyzmeti habarlady.
Eldiń shyǵys, ońtústik-shyǵysynda atmosferalyq aǵymdardyń ótýine baılanysty keı jerlerde qar jaýyp, tuman túsip, jel kúsheıedi.
Mańǵystaý, Atyraý oblystarynda jekelegen jerlerde 15-20 m/s-qa deıin jel kúsheıedi. Jambyl oblysynda keı jerlerde tuman túsip, kóktaıǵaq ornaıdy, 15-20 m/s jyldamdyqpen jel soǵady. Ońtústik Qazaqstan oblysynda túnde tuman túsip, kúndiz 15-20 m/s jyldamdyqpen jel soǵady. Qostanaı oblysynda túnde jáne tańerteń keı jerlerde tuman túsip, tańerteń jáne kúndiz 18 m/s jyldamdyqpen jel soǵyp, qarly burqasyn bolady. Shyǵys Qazaqstan oblysynda keı jerlerde azdaǵan boran bolady.
Túnde Pavlodar, Shyǵys Qazaqstan oblystarynda, Soltústik Qazaqstan, Aqmola oblystarynyń keı jerlerinde qatty aıaz bolady dep kútilýde. Túnde Qaraǵandy, Pavlodar, Almaty oblystarynda aıaz kúsheıedi.
