Qaraǵandy páter urlyǵy boıynsha kósh bastap tur
ASTANA. QazAqparat - Páter tonaý jáne mal urlyǵy máselesi Qaraǵandy oblystyq ákimdikte ótken qylmystyń aldyn alý jónindegi vedomstvoaralyq komıssııanyń kezekti otyrysynda talqylandy.
Aımaq jetekshisi Erlan Qoshanov ózgeniń múlkin jymqyrý deregin azaıtý úshin jumysty kúsheıtýdi tapsyrdy, dep habarlaıdy oblys ákimdiginiń resmı saıty .
Aldymen 2015-2017 jyldary bótenniń múlkin urlaýǵa qarsy kúres baǵdarlamasyn júzege asyrý boıynsha atqarylǵan jumystyń esebi tyńdaldy. Keıin Qaraǵandy jáne Temirtaý qalasynyń ákimderi baıandama jasady. Sebebi oblys ortalyǵy páter urlyǵy boıynsha kósh bastap tur. Mettalýrgter qalasy da urlyq qylmysynan qalys qalmaýda.
Polıtsııa qyzmetkerleri usynǵan aqparatqa súıensek, bıyl Qaraǵandy, Temirtaý, Shahtınsk qalalarynda 4 400 páter tonaý deregi tirkelgen. Bul aımaqtaǵy atalǵan qylmys túriniń 71,6% qurap otyr.
Erlan Qoshanov qala ákimderi bul máseleni nazarda ustaýlaryn talap etti. Quqyq qorǵaý organ qyzmetkerlermen birlesip, qylmystyń aldyn alý sharalaryn uıymdastyrýdy tapsyrdy.
Al aýyldyq aǵaıyn mal urlyǵynan zardap shegýde. Sondyqtan bul zań buzýshylyqpen kúresti aýdandarda da kúsheıtý mańyzdy.
-Oblystyq ІІD, veterınarııa basqarmasy, qala aýdan ákimderine urlyqtyń aldyn alýǵa baǵyttalǵan usynys jobalaryn jasaý qajet. Bul jumysty atqarýǵa 28 shildege deıin ýaqyt beremin,- dep tapsyrma berdi Erlan Qoshanov.
«Ózgeniń múlkin tonaýǵa qarsy baǵdarlamany damytýǵa baǵyttalǵan jumystardy damytý sharalaryn jalǵastyrý kerek»,- dep atap ótti oblys ákimi.
«Tek ortaq kúsh salý arqyly urlyqtyń aldyn alý jumysynyń sapasyn arttyra alamyz. ıAǵnı osy arqyly memlekettik qyzmet jóninde qoǵamnyń oń pikirin qalyptastyramyz».
