Qaraǵandy ortalyǵyndaǵy dámhanadan órt shyqty
QARAǴANDY. QazAqparat – Qaraǵandyda qala ortalyǵynda ornalasqan dámhanada elektr symynyń tuıyqtalýynan órt shyqty, dep habarlaıdy QazAqparat tilshisi.
Keshke saǵat 17:24-te Qaraǵandy qalasyndaǵy Buqar jyraý dańǵylynda ornalasqan eki qabatty ǵımaratta ornalasqan dámhanada órt shyqqany týraly habar kelip tústi. Ǵımaratta jeldetkish shahtasynda elektr kabeliniń oqshaýlaǵyshy men jylytqysh materıal janǵan.
«5 metr elektr kabeli jáne montajdaý kóbigimen jasalǵan oqshaýlaǵysh janyp, jeldetý shahtasynyń 2 sharshy metr alańynda órt paıda boldy. Dámhana qyzmetkerler jáne klıentter órt sóndirý qyzmeti kelgenge deıin evakýatsııalandy», - dep habarlady Qaraǵandy qalasy TJ basqarmasynyń bastyǵy Nurlan Shákenov.
Saǵat 17: 59-da órt sóndirildi, jalynnyń basqa nysandarǵa taralýyna jol berilmedi. Oqys oqıǵadan eshkim zardap shekpedi. Oqıǵa ornynda Qaraǵandy oblysy TJD jeke quramynyń 35 qyzmetkeri men 7 tehnıkasy jumys istedi.
