Qaraǵandy ortalyǵynda pıanıno ornatyldy
QARAǴANDY. QazAqparat - Qaraǵandynyń ortalyǵyndaǵy Arbat kóshesinde qalaǵan adam tegin oınaı alatyn sarǵysh pıanıno paıda boldy, dep habarlaıdy «QazAqparat» HAA tilshisi.
Bul ıdeıanyń avtory - pıanınonyń ıesi Valentına Evtýhova men onyń qurbysy Evgenııa Ferapontova.
«Men buryn kýrsqa qatysyp, pıanınoda oınaýdy úırendim. Keıinnen oǵan qabiletimniń joq ekendigin túsindim. Quraldy ne isterimdi bilmedim. Anam ony sarǵysh túske boıap, árbir azamat oınaýy úshin qala ortalyǵyna qoıýdy usyndy», - dedi Valentına Evtýhova.
Boıjetken óziniń ıdeıasymen «Arbat» saýda úıiniń ákimshiligimen bólisip, olar bul bastamany qoldaıdy. «Biz dostarymyzben birge fortepıano ornalastyrýdyń 3D jobasyn jasap, ony saýda úıiniń ıesine usyndyq. Olar maquldady. Keıin pıanınony ashyq-sarǵylt túske boıap, monsteranyń kókshil jáne jasyl japyraqtaryn saldyq. Pıanınoǵa Mıster Monstereo esimin berdik», - dedi Valentına.
Quraldy jańbyrdan onyń tysy qutqaratyn bolady. Al vandaldan eshkim arashalap qalmasy anyq.
«Eger aspapty syndyrsa, ókinishti jaǵdaı bolar edi. Biraq, adamdar qoǵamǵa qýanysh ákeletin zatty qurtpaıdy dep úmittenemin», - dedi Valentına.
