Qaraǵandy ortalyǵynda belgisiz bireý kólikke oq atty
QARAǴANDY. QazAqparat - Qaraǵandy qalasynyń ortalyǵynda belgisiz bireý avtokólikke oq atyp, onyń artqy áınegine zaqym keltirdi, dep habarlaıdy QazAqparat tilshisi.
Qaraǵandy oblysy PD baspasóz qyzmetiniń habarlaýynsha, Oqıǵa Buqar jyraý dańǵyly men Chkalov kóshesiniń qıylysynda bolǵan.
Qaraǵandy oblysy PD baspasóz qyzmetinde qala ortalyǵyndaǵy oqıǵaǵa túsinikteme berdi. Kólik ıesiniń beınejazbasy Instagram-daǵy tanymal pablıktiń paraqshasynda jarııalanǵan. Kólik júrgizýshisiniń shaǵymdanýynsha oqıǵa Buqar jyraý dańǵyly men Chkalov kóshesiniń qıylysynda bolǵan.
«Bul beıneni polıtsııa zerttedi. Jábirlenýshi quqyq qorǵaý organdaryna aryzdanǵan joq. Atalǵan fakti boıynsha «Buzaqylyq» babyna sáıkes qylmystyq is tirkeldi», - dep habarlady Qaraǵandy oblysy PD baspasóz qyzmeti.
Qazirgi ýaqytta polıtsııa qyzmetkerleri buzaqyǵa qatysty sharalar qabyldaý jáne ony tabý úshin jedel-izdestirý sharalaryn qolǵa aldy.
