Qaraǵandy ortalyǵyna tek «Ashyq» arqyly ǵana kirýge bolady degen aqparat - jalǵan

NUR-SULTAN.QazAqparat - Qaraǵandylyqtar áleýmettik jelilerde qala aýdandarynyń birinen shyqqan jolda qalyptasqan kólik keptelisiniń kadrlaryn jarııalap jatyr, dep habarlaıdy Stopfake.kz saıty.

Bul Qaraǵandy ortalyǵyna «Ashyq» baǵdarlamasynda egý mártebesin rastaý arqyly jiberýdiń saldary degen pikirler aıtylýda.

Qala ákimdigi bul aqparatty joqqa shyǵardy.

– Maıqudyqqa kirý kezinde shekteý qoıylǵany jáne jol júrý tek «Ashyq» júıesi arqyly júzege asyrylatyny týraly aqparat feık bolyp tabylady. Qazirgi ýaqytta K.Marks kóshesindegi avtomobıl jolyna kúrdeli jóndeý júrgizilýde. Jóndeý jumystary kólik qozǵalysyna qıyndyq týǵyzýda. 2021 jyldyń qazan aıynyń sońyna deıin eki jolaq boıynsha kólik quraldarynyń tolyq qozǵalysyn qamtamasyz etý josparlanǵan, – dep habarlady baspasóz qyzmetinen.

Demek, Qaraǵandy ortalyǵyna tek «Ashyq» júıesimen ǵana kirýge bolady degen aqparat feık.