Qaraǵandy onkologııa ortalyǵynda jańa operatsııa bólmeleri paıda bolady
QARAǴANDY. QazAqparat – 2022 jyly Qaraǵandy oblystyq onkologııalyq dıspanserinde jańa zamanaýı operatsııalyq bólmeler paıda bolady, dep habarlaıdy QazAqparat tilshisi.
Bul qazirgi aýrýhanada naýqastardyń aǵymyn qaıta bólýge kómektesedi. Operatsııalardyń sany bes esege artady. Jumys sapary barysynda oblys ákimi Jeńis Qasymbek qala úshin mańyzdy nysannyń ǵımarat qurylysymen tanysty.
Jańa operatsııalyq-reanımatsııalyq bólimi – galereıa arqyly onkologııalyq dıspanserge qosylǵan qurylys. Jobany kelesi jyly aıaqtaý josparlanǵan.
Sonymen qatar Jeńis Qasymbek 7-shi tasjoldy kúrdeli jóndeýden ótkizý barysyn da tekserdi.
Tereshkova kóshesimen qıylystaǵy jerde turaqtandyrý jumysy júrgizilýde. Sý ótkizgishter tóseldi.
Jol tósemderin ornatý jumysy júrgizilip jatyr. Shildeniń ortasyna deıin munda úsh qabat asfalt tóseledi.
Sondaı-aq, aımaq basshysy Qaraǵandy qalasynyń sport mekemelerinde boldy.
Núrken Ábdirov atyndaǵy sport saraıynda ol joǵary sport sheberligi mektebiniń jattyǵý barysymen tanysty. Munda oblystyń jetekshi sportshylary jattyǵady.
Sodan keıin ákim Álııa Moldaǵulova atyndaǵy sportqa beıimdi balalarǵa arnalǵan oblystyq mamandandyrylǵan mektep-ınternatyna bardy.
Munda 500-den astam bala 7–11 synyp aralyǵynda oqıdy jáne sporttyń 18 túrimen aınalysady.
Oqýdan keıin oqýshylar orta bilimin mektep-ınternatta jumys isteıtin kolledjde ala alady.
