Qaraǵandy óńirinde eńbek qaýipsizdigin qamtamasyz etý máselesi syn kótermeıdi – QR Prezıdenti

QARAǴANDY. QazAqparat - Ekologııa problemasynan bólek, oblystyń óndiristik kásiporyndarynda eńbek qaýipsizdigin qamtamasyz etý máselesi syn kótermeıdi. Bul týraly Qaraǵandy oblysynyń jurtshylyǵymen kezdesýde Memleket basshysy Qasym-Jomart Toqaev aıtty, dep habarlaıdy QazAqparat.

«Ekologııa problemasynan bólek, oblystyń óndiristik kásiporyndarynda eńbek qaýipsizdigin qamtamasyz etý máselesi syn kótermeıdi. Qaraǵandy sııaqty ındýstrııasy damyǵan oblys úshin bul – mańyzdy másele.

Mysaly, tek 2022 jyly «ArselorMıttalTemirtaý» AQ obektilerinde jumysshylar qaza tapqan birneshe oqıǵa tirkeldi. Іri kompanııalar óndiristi jańǵyrtýǵa árdaıym ınvestıtsııa quıýy kerek.

Ýákiletti organdar óndiristik apattardyń kóbeıgeni úshin kásiporyndardyń jaýapkershiligin kúsheıtetin júıeli sharalar qabyldaýy qajet», - dep keltiredi Qasym-Jomart Toqaevtiń sózin Aqordanyń baspasóz qyzmeti.