Qaraǵandy oblysynyń joldarynda sanıtarlyq beketter ornatyldy

QARAǴANDY. QazAqparat - Qaraǵandy oblysyna kireberis joldarda sanıtarlyq beketter uıymdastyryldy. Olar Nura aýdanynda, Qaraǵandy qalasynyń Oktıabr aýdanynda, Jezqazǵan, Temirtaý jáne Balqash qalalary mańynda paıda boldy, dep habarlaıdy QazAqparat tilshisi.

Sanıtarlyq beketterde óńirge kelgenderdiń barlyǵynda koronavırýstyq ınfektsııa belgileriniń bar-joǵy tekseriledi. Bul jumysty táýlik boıy júrgizý josparlanyp otyr. Beketterde taýarlar men qyzmetterdiń sapasymen qaýipsizdigin baqylaý departamentiniń mamandary kezekshilik etedi.

Esterińizge sala keteıik, oblystyń barlyq avtoparkteri kúsheıtilgen sanıtarlyq baqylaý rejımine kóshken bolatyn. Atalmysh erejege saı barlyq jolaýshylar avtobýstary jáne marshrýttyq taksıdiń salondary árbir reıs bastalar aldynda jáne aıaqtalǵannan keıin dezınfektsııalyq eritindilermen óńdeledi.

Júrgizýshiler men kondýktorlardy aýysym bastalar aldynda dárigerler tekseredi. Eger olarda ınfektsııa belgileri baıqalsa, jumysqa jibermeıdi.

COVID-19 koronavırýsynyń aldyn alý máseleleri boıynsha taýarlar men qyzmetterdiń sapasyn baqylaý departamentinde (8-7212) 50-76-46 nómiri boıynsha jedel jeli ashyldy