Qaraǵandy oblysynyń joldarynda ótken túnde 81 adam qutqaryldy
QARAǴANDY. QazAqparat – Qaraǵandy oblysynyń qutqarýshylary qar basqan joldardan kólikterdi shyǵarýdy jalǵastyrýda, dep habarlaıdy QazAqparat tilshisi.
8 aqpanǵa qaraǵan túni Qaraǵandy oblysynyń Osakarov jáne Abaı aýdandaryndaǵy avtojoldarynda qutqarý jumystary júrgizildi. TJD qyzmetkerleri 81 adamdy, onyń ishinde 10 balany aman alyp qaldy.
Abaı aýdanynda Jańa Qaraǵan aýylynan soltústik-shyǵysqa qaraı 2 shaqyrym jerde qar qursaýynda turyp qalǵan 5 jeńil avtokólikten 19 adam, onyń ishinde 2 bala qutqaryldy. Olar Abaı qalasyna jetkizildi.
Osakarov aýdanynda apattyq-qutqarý jumystary «Osakarovka-Molodejnyı» jáne «Osakarovka-Nura» avtojoldarynda júrgizildi. Qar qursaýynan 20 jeńil avtokólik shyǵaryldy, onda 58 adam, onyń ishinde 7 bala bolǵan. Sonymen qatar, atalmysh trassada qutqarýshylar taǵy eki avtokólik júrgizýshilerine qar qursaýynan shyǵýǵa kómektesti. Osy kólikterde bolǵan tórt adam Osakarovka aýylyna jetkizildi.
Qutqarý jumystaryna Qaraǵandy oblysy TJD bólimsheleriniń jáne jergilikti atqarýshy organdardyń kúshteri qatysty.
