Qaraǵandy oblysynyń joldarynda 11 adam qutqaryldy
QARAǴANDY. QazAqparat – Qaraǵandy oblysynyń Tótenshe jaǵdaılar qyzmetkerleri kólikteri synyp, jolda qalyp qoıǵan 11 adamdy qutqardy, dep habarlaıdy QazAqparat tilshisi.
9 qańtarda Jańaarqa aýdanynda saǵat 03:30-da «Qyzylorda-Pavlodar» avtojolynyń 726 shaqyrymynda jeńil kóliktiń synyp qalýy sebebi dalada qalyp qoıǵan 5 adamdy, ony ishinde 3 balany qutqarýshylar Atasý kentine jetkizdi.
Saǵat 09:25-te «Qyzylorda-Pavlodar» avtojolynyń 723 shaqyrymynda «Aqtúbek» kúre joldyq medıtsınalyq-qutqarý pýnkti qyzmetkerleriniń kúshimen 6 adam qutqaryldy. Adamdar Aqtúbek aýylyna jetkizildi.
Qutqarylǵandar medıtsınalyq kómekti qajet etpegen.
Qaraǵandy oblysynyń TJD ókilderi júrgizýshilerge avtomobıldiń jaramdylyǵyn muqııat tekserip, avtojoldardyń jaı-kúıi týraly aqparatty qadaǵalaý qajettigi týraly eskertedi.
Aýa raıyna baılanysty eskertýlerdi alǵan kezde eldi mekenderden tys jerlerge jol júrýden jáne alys qashyqtyqqa, ásirese túnde jáne aýa raıy nasharlaǵan kezde, ásirese kishkentaı balalarmen jol júrýden bas tartý usynylady.
Sonda-aq kıimdi de aýa raıyna laıyqtap kııý kerek. Qaýipsizdik sharalaryna qoǵamdyq kólik pen dızeldi qozǵaltqyshy bar avtomobılderdiń ıeleri erekshe nazar aýdarýlary kerek.
