Qaraǵandy oblysynyń Ulytaý aýdanynda jańa balabaqsha ashyldy
ULYTAÝ. QazAqparat – Ulytaý aýdanynyń Qaraqum aýylynda 50 orynǵa eseptelgen jańa balabaqsha jumys isteı bastady. Osynyń arqasynda aýyldyń 28 turǵyny – tárbıeshi, aspaz, tehpersonal jáne ózge de qyzmetkerler retinde jumyspen qamtamasyz etildi, dep habarlaıdy QazAqparat tilshisi.
Balabaqsha barlyq zamanaýı talaptarǵa jaýap beredi, onda mektep jasyna deıingi balalar úshin qaýipsiz jáne jaıly jaǵdaılar jasalǵan.
«Qaraqum aýylyndaǵy balalar sany jyl saıyn artyp keledi. Mekteptegi shaǵyn ortalyqtyń 40-qa jýyq balany baǵytty jáne tolyqqandy tárbıeleýmen qamtamasyz etý múmkindigi joq. Sondyqtan biz aýdandyq bıýdjetten qarajat bólip, 50 oryndyq «Ertóstik» balabaqshasyn ashtyq. Endi 28 jańa jumys orny ashylady», - dep habarlady Ulytaý aýdanynyń ákimdigi.
Balabaqsha zamanaýı eki qabatty ǵımaratta ornalasqan. Bólmeler keń, jyly jáne jaryq. Bilikti pedagogtar balalardy oqytyp, tárbıeleıdi.
Sonymen qatar aýylda mektep te kúrdeli jóndeýden ótti. Oqý ornynda jylytý júıesi retke keltirildi, káriz, shatyr, esikter men terezeler aýystyryldy. Sheberhana men murajaı ashyldy.
Ótken aptada Ulytaý aýdanynyń ákimi Berik Ábdiǵalıuly jumys saparymen Qaraqum aýyldyq okrýginde boldy. Aýdan basshysy mektepke ÝAZ jańa avtobýsynyń kiltin tabystady.
Sondaı-aq, aýylda 4 bólmeli «Muǵalimder úıi» jataqhanasy paıdalanýǵa berildi. Bul pedagog kadrlardyń tapshylyǵy máselesin sheshýge kómektesti. Endi muǵalimder úshin qajetti jaǵdaılar jasalǵan. Qyzylorda oblysynan jas mamandar Qaraqum qalasyna sabaq berýge keledi.
