Qaraǵandy oblysynyń TJD-na jańa basshy taǵaıyndaldy (FOTO)

ASTANA. QazAqparat - Búgin QR ІІІM Tótenshe jaǵdaılar komıtetiniń tóraǵasy V.Bekker Qaraǵandy oblysy TJD-nyń jańa basshysy Ibragım Kúlshimbaevty tanystyrdy. Bul týraly vedomstvonyń baspasóz qyzmeti habarlady.

«TJD Daǵdarys ortalyǵynda jańa bastyqty taǵaıyndaýǵa Qaraǵandy oblysy TJD barlyq jeke quramy men aýmaqtyq jáne qurylymdyq bólimshelerdiń bastyqtary qatysty», delingen habarlamada.

QR Іshki ister mınıstriniń 25 naýryzdaǵy №65 buıryǵymen I.Kúlshimbaev Qaraǵandy oblysy TJ Departamentiniń bastyǵy bolyp taǵaıyndaldy.

Ibragım Dáýkesuly Qaraǵandy oblysynyń Nura aýdany Amantaý aýylynda dúnıege kelgen. 1994 jyly Qaraǵandy polıtehnıkalyq ınstıtýtyn «Avtokólik jáne avtokólik sharýashylyǵy» mamandyǵy, ınjener-mehanık biliktiligi boıynsha bitiredi.

2004 jyly Reseı TJM-nyń Azamattyq qorǵanys akademııasyn «Azamattyq qorǵaý jedel-taktıkalyq komandalyq-shtabtyq» mamandyǵy boıynsha támamdaǵan. Jańa bastyq azamattyq qorǵaý salasynda úlken tájirıbege ıe. 1995 jyly ınstıtýtty támamdaǵan soń, Semeı oblysynyń áskerı bólimine tank vzvodyna shaqyrylady.

Armııadan keıingi birneshe jyldan keıin, I.Kúlshimbaev óz qalaýymen qutqarý qyzmetine aýysady. 2002 jyly Reseı TJM-nyń Azamattyq qorǵanys akademııasyn ozat bitiredi.

2009 jyldan 2013 jylǵa deıin TJ mınıstriniń qory bolyp tabylatyn jáne tabıǵı jáne tehnogendik tótenshe jaǵdaılardy joıýǵa baǵyttalǵan mindetterdi oryndaıtyn 52859 áskerı bólimin basqardy.

I. Kúlshimbaev orman órtterin sóndirýge, Ońtústik Qazaqstandaǵy Syrdarııa arnasyndaǵy Kóksaraı bógetiniń qurylysyna, Qaraǵandydaǵy «Besoba» turǵyn úı kesheninde qıraǵan úıindini jınaýǵa, Shyǵys Qazaqstandaǵy Tarbaǵataı aýdanynda tasqyn sýdyń zardabyn joıýǵa atsalysty.

QR Bas áskerı prokýrory, general-leıtenant Erǵalı Merzadınov áskerı basqarý organdary júıesinde profılaktıkalyq qyzmetindegi kóshbasshy róli jáne áskerı tártiptiń kúsheıýine qosqan qomaqty úlesi úshin polkovnık I.D. Kúlshimbaevty marapattaǵan.

«Qazaqstan Respýblıkasynyń Qarýly Kúshterine 10 jyl», ІІІ dárejeli «Minsiz qyzmeti úshin», «Tótenshe jaǵdaılardyń aldyn alýda jáne joıýda úzdik shyqqany úshin», «Qazaqstan Respýblıkasynyń Táýelsizdigine 20 jyl», «Qazaqstan Respýblıkasynyń Qarýly Kúshterine 20 jyl», nagrýdnye znakı: «Qutqarý operatsııalaryna belsendi qatysqany úshin», «Tótenshe jaǵdaılar organdarynyń qurmetti qyzmetkeri» medaldarymen marapattalǵan.

Osyǵan deıin polkovnık I. Kúlshimbaev Astana qalasy TJ departamentiniń bastyǵy laýazymynda qyzmet etti.