Qaraǵandy oblysynyń túzeý mekemesiniń janyndaǵy aýmaqta qoǵamdyq tártipti buzǵan birqatar tulǵalardy ákimshilik jaýapkershilikke tartý týraly sot sheshimi shyǵaryldy
ASTANA. 22 qyrkúıek. QazAqparat - Keshe, 21 qyrkúıek kúni sot kolonııanyń janyndaǵy aýmaqta qoǵamdyq tártipti buzǵan birqatar tulǵalardy ákimshilik jaýapkershilikke tartý týraly sheshimin shyǵardy,
dep habarlady Qaraǵandy oblysy boınysha QAJ departamentiniń baspasóz qyzmetinen.
Sol kúni Qaraǵandy oblysynyń Qarabas kentinde ornalasqan AK-159/18 túzeý mekemesindegi baqylaý-ótkizý pýnktiniń qasynda jınalǵan 30-ǵa jýyq adam sotqarlyq pen basqynshylyq kórsetý arqyly qoǵamdyq tártipti buzyp, sottalýshylarmen kezdesýdi talap etti. Azamattardyń ózderin osylaı ustaýyna sottalýshylar quqyqtarynyń buzylýy týraly jalǵan habarlamalar sebep boldy.
Mekemeniń ákimshiligi kóterilgen adamdar tobymen túsindirý sıpatyndaǵy áńgimelesýin ótkizdi, biraq ol tabyssyz aıaqtaldy.
Qoǵamdyq tártipti retke keltirý maqsatynda Abaı AІІB-nyń patrýldik-bekettik jasaqtary shaqyrtyldy, olar agressııaly adamdardy jergilikti polıtsııa pýnktine jetkizdi.
Sonyń saldarynan sot kolonııa aýmaǵyndaǵy qoǵamdyq tártipti buzǵany úshin 16 adamdy aqshalaı aıyppul salý túrindegi ákimshilik jazaǵa tartty, bireýi eki táýlikke qamaýǵa alyndy.
Esterińizge sala keteıik, aǵymdaǵy jyldyń 20 qyrkúıeginde atalmysh túzeý mekemesinde prokýratýranyń baqylaý organy sottalýshylardyń quqyq buzýshylyqtaryn aldyn alý jáne tyıym salynǵan zattardy alýǵa baǵyttalǵan josparly tintý sharalaryn ótkizdi.
Kelesi kúni, 21 qyrkúıekte tústen keıin prokýratýra jáne QAJ-niń ókilderi atalǵan sharany ótkizý qorytyndylary boıynsha jýrnalıster úshin baspasóz kontserentsııasyn ótkizip, kolonııadaǵy jaǵdaıdyń turaqty ekenin habarlady.
