Qaraǵandy oblysynyń turǵynynan urylar 1,5 mln teńge urlap ketken
QARAǴANDY. QazAqparat - Qaraǵandy oblysy Temirtaý qalasynda qylmyskerler úı ıesin uryp, páterin tonap ketti, dep habarlaıdy Qazaqparat tilshisi.
Aǵymdaǵy jyldyń 19 maýsymynda Temirtaý qalasynyń Shyǵys PB kezekshi bólimine 54 jastaǵy qala turǵynynan túngi ýaqytta beıtanys tulǵalar plastık terezelerin qıratyp, páterge kirip, kúsh qoldaný arqyly bir jarym mıllıon teńgesin alyp ketkeni týraly aryz kelip tústi.
Atalǵan derekke baılanysty QR QK-niń 191-baby 3-bólimi boıynsha qylmystyq is qozǵaldy.
Jedel-izdestirý is-sharalary barysynda polıtsııa qyzmetkerleri buryn sottalǵan 27 jastaǵy Temirtaý qalasynyń turǵynyn qolǵa túsirdi. Ol joǵaryda kórsetilgen tonaý áreketin jasaǵanyn moıyndady.
Qazirgi ýaqytta tergeý júrgizilýde.
