Qaraǵandy oblysynyń turǵyny zańsyz qarasora ósirgen
QARAǴANDY. QazAqparat - Qaraǵandy oblysyndaǵy Ulytaý aýdanynyń turǵyny óz aýlasynda zańsyz qarasora ósirgeni úshin shartty merzimge sottaldy, dep habarlaıdy «QazAqparat» HAA tilshisi.
Esirtki ósip turǵan alqapty oblystyq ІІD-niń Esirtki bıznesimen kúres jónindegi basqarmasynyń qyzmetkerleri anyqtaǵan. Aýyl turǵynyna qatysty Qylmystyq kodekstiń 300-baby 2-bólimi «Quramynda esirtki zattar bar, ósirýge tyıym salynǵan ósimdikterdi zańsyz egip-ósirý» boıynsha sot aldy tergeý taǵaıyndaldy. Esirtki alqaby joıyldy.
Ulytaý aýdandyq soty baspasóz qyzmetiniń málimdeýinshe, sottalýshy óz kinásin tolyqtaı moıyndaǵan.
«Sot oǵan shartty túrde 3 jyl bas bostandyǵynan aıyrý jazasyn taǵaıyndady», - delingen sot úkiminde.
