Qaraǵandy oblysynyń turǵyny óz úıiniń jertólesinen qarý-jaraq arsenalyn taýyp aldy - QR ІІM
ASTANA. 24 naýryz. QazAqparat /Jasulan Amanbaıuly/ - Qaraǵandy oblysynyń turǵyny óz úıiniń jertólesinen bútin bir qarý-jaraq arsenalyn taýyp aldy.
Bul týraly búgin Astanada ótken aptalyq brıfıngte QR ІІM-niń baspasóz qyzmetiniń bastyǵy Qýanyshbek Jumanov málim etti.
«Qaraǵandy oblysynyń Jezqazǵan polıtsııa bólimine Rybachıı aýylynyń 53 jastaǵy turǵyny óz úıinen qarý tapqanyn habarlady. Tekserý kezinde polıtsııa qyzmetkerleri onyń úıindegi jertóleden Kalashnıkov avtomatyn, jaraqat salatyn jáne gazdy tapanshalar, 600-den astam patron men brondykeýdeshe tárkiledi», - dedi Q. Jumanov.
ІІM-niń baspasóz qyzmeti bastyǵynyń aıtýynsha, tárkilengen qarý aryzdanýshynyń 28 jastaǵy ulyna tıesili bolyp shyqqan.
«Qarý men oq-dárilerdi zańsyz saqtaý faktisi boıynsha qylmystyq is qozǵalyp, kúdiktini ustaýǵa baǵyttalǵan sharalar qabyldanýda», - dep atap kórsetti ol.
