Qaraǵandy oblysynyń turǵyny qoıan-qoltyq urystan álem chempıony atandy
QARAǴANDY. QazAqparat – Qaraǵandy oblysy, Nura aýdany Jaraspaı aýylynyń turǵyny Serik Ábirov 90 keliden astam salmaq dárejesinde qoıan-qoltyq urystan álem chempıonatynda jeńiske jetti, dep habarlaıdy QazAqparat tilshisi.
Jaraspaı aýylynyń ákimi Baǵjan Bilálov turǵyndardyń atynan álem chempıonyn quttyqtap, oǵan jylqy syılady. «Jaraspaı» ShQ dırektory Seıilhan Qońyrbaev ta batyrǵa syılyq tabys etip, ómir men sportta jańa jeńister tiledi.
«Bizdiń aýyldyń týmasy ekenińdi maqtan tutamyz», – dedi Seıilhan Qońyrbaev.
Serik Abırov - qoıan-qoltyq urystan Qazaqstan Respýblıkasynyń úsh dúrkin chempıony, MMA-dan Qazaqstannyń eki dúrkin chempıony, MMA-dan Azııa chempıonatynyń kúmis júldegeri. Ol bes jyldan beri qoıan-qoltyq urystan Qazaqstan quramasynyń quramyna kiredi.
Aıta ketý kerek, Qazaqstan quramasy álem chempıonatynda komandalyq esepte úshinshi orynǵa ıe boldy.
