Qaraǵandy oblysynyń turǵyny dúkenge qaraqshylyq shabýyl jasady
QARAǴANDY. QazAqparat –Qaraǵandy oblysy Abaı qalasynyń turǵyny jergilikti dúkenderdiń birine qaraqshylyq shabýyl jasaǵan. Belgisiz er adam satýshyny pyshaqpen qorqytyp, kassadan barlyq aqshany alyp ketpek bolǵan, dep habarlaıdy QazAqparat tilshisi.
6 qańtarda saǵat 22:00 shamasynda Qaraǵandy oblysy Abaı qalasyndaǵy dúkenderiniń biriniń 27 jastaǵy satýshysy belgisiz tulǵa qara betperde kıip alyp, pyshaqpen qorqytyp, dúken kassasynan aqshany alyp ketkeni týraly polıtsııaǵa aryz jazǵan.
Qylmysty ashý úshin Abaı aýdany polıtsııa basqarmasynyń barlyq jeke quramy baǵyttaldy. Kúdiktini anyqtaý jáne ustaý úshin jaqyn jatqan aýlalar men kósheler tekserildi.
«Patrýldik polıtsııa vzvod qyzmetkerleri kóshelerdiń birinde kassadan aqsha urlap ketken Abaı qalasynyń 27 jastaǵy turǵynyn «izin sýytpaı» ustady. Quryqtalǵan kúdiktiden pyshaq pen qara maska tabyldy», - dep habarlady Qaraǵandy oblysy PD baspasóz qyzmeti.
Atalǵan fakti boıynsha QR QK 192-baby 1-bóligi boıynsha sotqa deıingi tergeý bastaldy. Kúdikti ýaqytsha ustaý ızolıatoryna qamaldy.
