Qaraǵandy oblysynyń turǵyny 72 jylqy urlaǵan

QARAǴANDY. QazAqparat – Polıtsııa qyzmetkerleri 6 mal urlyǵyna qatysy bar dep kúdikke ilingen 35 jastaǵy jumyssyz er adamdy ustady, dep habarlaıdy QazAqparat.

2013 jyldan beri qylmysker jergilikti úsh turǵynnyń 72 jylqysyn urlaǵan.

Jedel-tergeý sharasy barysynda Jańaarqa aýdandyq polıtsııa bóliminiń qyzmetkerleri 35 jastaǵy jumyssyz er adamdy anyqtady. Ol maldy syrtynan baqylap, ıeleriniń joqtyǵyna kóz jetkizgen soń jaıylyp júrgen jerinen aıdap áketip otyrǵan.

Atalmysh derek polıtsııada tirkeldi. QR QK-niń 188-baby 3-bóligi (Bóten múlikti jasyryn urlaý) boıynsha sotqa deıingi tergeý bastaldy. Kúdikti ýaqytsha ustaý ızolıatoryna qamaldy.

Qaraǵandy oblysy polıtsııa departamenti maldy jaıylymǵa tek baqtashynyń qaraýymen jiberip, malǵa GPS trekerler taǵyp, qamaýǵa arnalǵan jerdi myqty quraldarmen bekitý kerektigin taǵy da eskertedi.

Avtory Agata Muhamedjanova