Qaraǵandy oblysynyń turǵyndarynan Jeńis Qasymbekke 100-den astam suraq kelip tústi
Turǵyndardyń basym bóligi óńirdiń birinshi basshysynan jumysqa ornalastyrý, úı alý jáne jeke sıpattaǵy máselelerin sheshýge kómektesýin surady. Sonymen qatar aýlalardy abattandyrý, qoǵamdyq kólik, kóshelerdi jaryqtandyrý, joldardy jóndeý jaıy da qozǵaldy.
Barlyq tilek bildirýshiler Jeńis Qasymbekke jáne oblystyq basqarmalardyń basshylaryna tikeleı habarlasý múmkindigine ıe boldy, Turǵyndardyń basym bóligi óńirdiń birinshi basshysynan jumysqa ornalastyrý, úı alý jáne jeke sıpattaǵy máselelerin sheýge kómektesýin surady. Sonymen qatar aýlalardy abattandyrý, qoǵamdyq kólik, kóshelerdi jaryqtandyrý, joldardy jóndeý taqyryptary da qozǵaldy.
Mysaly, Fın kentiniń turǵyny Nına Lapýshkına Jeńis Qasymbekten aýdandaǵy joldardyń jaǵdaıyna nazar aýdarýdy surady.
«Kenttiń bas kóshesi bolyp tabylatyn Shaýmıan kóshesinde asfalt joq. Onda júrý óte qıyn, al kóktemde jáne kúzde balshyqtan ótý tipten múmkin emes. Jaryq joq, kenttegi kósheler qarańǵy», - dedi ol.
Oblys ákimi kenttiń bas kóshesin abattandyrý úshin qarjylandyrý kózderin tabýǵa ýáde berdi. Sondaı-aq, ol 2020 jyly Qaraǵandyda kóshe shamdaryn ornatý jáne qosý boıynsha aýqymdy jumystar júrgiziletinin habarlady. Aldyn ala esepteý boıynsha, qazir qalada 600-den astam qarańǵy kóshe bar.
«Kógildir toǵandar» shaǵynaýdanynyń turǵyny da óńir basshysyna abattandyrý máselesi jóninde ótinish bildirdi. Ol oblys ákiminen oramishilik joldardy asfalttaýǵa kómek kórsetýdi surady. Aımaq basshysy oblys ortalyǵyndaǵy aýlalar 2018 jyldan 2020 jylǵa deıin úsh jylǵa bekitilgen keste boıynsha jóndeletinin málimdedi. Tek bıylǵy jyldyń ózinde «Kógildir toǵandar» shaǵynaýdanynda № 4, 6, 11, 12, 13 jáne 14-shi úılerdiń aýmaǵy jóndeldi, «Insar» dúkeninen Vostok-5 shaǵynaýdanyna deıin baratyn, jáne «Tolaǵaı» balabaqshasynyń janynan ótetin oramaralyq jol jóndeldi.
Sondaı-aq, azamattardyń kóbisin turǵyn úı alý máselesi tolǵandyrdy. Aımaq basshysy qazirgi tańda jospar jasalyp, bekitilgenin, soǵan sáıkes 2020 jyly oblysta 650 myń sharshy metr turǵyn úı paıdalanýǵa beriletinin, onyń 400 myńy Qaraǵandyda ornalasqanyn málimdedi. Bul halyqtyń áleýmettik osal toptaryna jatatyn 578 kóp balaly otbasy men 1339 adamdy jalǵa beriletin páterlermen qamtamasyz etýge múmkindik beredi.
Esterińizge sala keteıik, azamattardy biryńǵaı qabyldaý kúni respýblıka boıynsha ótti. Suraqtarǵa oblys, qala jáne aýdan ákimderi, ІІM, Memlekettik qyzmet isteri jáne sybaılas jemqorlyqqa qarsy is-qımyl agenttiginiń, basqarmalardyń, departamentterdiń, bólimderdiń jáne basqa da memlekettik qurylymdardyń ókilderi jaýap berdi.
