Qaraǵandy oblysynyń trassalarynda 400-den astam kólik turyp qaldy
QARAǴANDY. QazAqparat - Aýa raıynyń nasharlaýyna baılanysty (qar, boran, qatty jel, kórinýdiń shektelýi) respýblıkalyq mańyzy bar avtojoldardyń 11 ýchaskesinde kóliktiń barlyq túrleri úshin qozǵalys jabyldy, dep habarlaıdy QazAqparat tilshisi.
Jabylǵan barlyq jol ýchaskelerinde Tótenshe jaǵdaılar departamenti, Polıtsııa departamenti jáne jol qyzmeti qyzmetkerlerinen quralǵan 14 beket qoıyldy. Avtomobıl joldaryna jaqyn ornalasqan jylytý pýnkteri (kafe, qonaqúı) daıyndalyp, iske qosyldy.
Qaraǵandy oblysynyń beketterinde 454 avtomobıl jınalyp qaldy. Onyń ishinde 210-y júk mashına, 242-si jeńil jáne 4-ýi qoǵamdyq kólik.
29 naýryz saǵat 19.00-ge deıin 252 adam qutqaryldy, onyń ishinde 28 bala, 89 adam evakýatsııalandy.
7 jylytý pýnkti jumyldyryldy, onda 75 adam, onyń ishinde 9 bala ornalastyryldy.
Oblysta avarııalyq-qutqarý jumystary jalǵasýda.
Azamattar tótenshe jaǵdaı máseleleri boıynsha Qaraǵandy oblystyq TJD-nyń jedel jeli nómirine habarlasa alady: 8 (7212) 517223.
Budan bólek, málim etilgendeı, ekpindi jelden oblysta 2 nysannyń shatyry búlingen.
Atap aıtqanda, Nura aýdanynyń Qaroı aýylynda shamamen 17.00-de Qaroı orta mektebiniń sport zaly ǵımaratynyń shatyry ushqan. Synǵan shatyrdyń kólemi - 250 sharshy metr.
Taǵy bir oqıǵa sol aýdanda Izendi aýylynda tirkeldi. 18:10-da aýyldyq mádenıet úıiniń shatyrynyń buzylýy oryn aldy. Synǵan shatyrdyń kólemi - 430 sharshy metr.
Oqıǵa ornynda qaza tapqandar men zardap shekkender joq.
