Qaraǵandy oblysynyń taǵy eki aýdanynda jyljymaly dárihanalar iske qosyldy
QARAǴANDY. QazAqparat – Qaraǵandy oblysynyń Jańaarqa jáne Qarqaraly aýdandarynda qazan aıynda jyljymaly dárihana pýnktteri iske qosyldy.
Olar shalǵaı eldi mekenderdiń turǵyndaryna dárilik zattar men medıtsınalyq ónimderdi jetkizedi, dep habarlaıdy QazAqparat tilshisi.
Osy ýaqyt ishinde aýyl turǵyndary jyljymaly dárihanalardyń artyqshylyǵyn baǵalap úlgerdi. Turaqty dári-dármekterdi qajet etetin naýqastardy endi aýdan ortalyǵyna aparýdyń qajeti joq. Jyljymaly dárihanalar olardy turǵyndarǵa keste boıynsha jetkizedi.
«Qarqaraly aýdanynyń turǵyndary jyljymaly dárihana pýnktterimen jetkiziletin barlyq qajetti dári-dármektermen qamtamasyz etildi. Bul jasy men eldi mekenderdiń qashyqtyǵyna baılanysty dári-dármekterdi ýaqytynda ala almaıtyn bizdiń patsıentter úshin úlken kómek», - deıdi Qarqaraly aýdandyq aýrýhanasynyń mamandary.
Jańaarqalyqtar da jyljymaly dárihana qyzmetin belsendi paıdalanady. Turǵyndar bul ýaqyt pen bıýdjetti aıtarlyqtaı únemdeıtinin aıtady.
Esterińizge sala keteıik, alǵashqy jyljymaly dárihana pýnktteri ótken jyly Ulytaý jáne Aqtoǵaı aýdandarynda jumys isteı bastady.
