Qaraǵandy oblysynyń tabıǵı monopolııalarǵa qarsy departamenti básekelestikti qorǵaý úshin kóliktik holdıng qurýdan bas tartty

ASTANA. QazAqparat - Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý jáne básekestikti qorǵaý komıtetiniń Qaraǵandy oblysy boıynsha departamenti «Mýnıtsıpaldyq kólik holdıngi» JShS-niń qurylýyna kelisim berýden bas tartty, dep habarlady vedomstvonyń baspasóz qyzmetinen.

«Qazaqstan Respýblıkasy Ulttyq ekonomıka mınıstrligi Tabıǵı monopolııalardy retteý jáne básekestikti qorǵaý komıtetiniń Qaraǵandy oblysy boıynsha departamenti, 2016 jylǵy 3 maýsymdaǵy № 108-NQ buıryǵymen «Qaraǵandy oblysynyń ónerkásip jáne ındýstrııalyq-ınnovatsııalyq damý basqarmasy» MM-ne «Mýnıtsıpaldyq kólik holdıngi» JShS-niń qurylýyna kelisim berýden bas tartty», - delingen habarlamada.

Kelisim berýden bas tartýdyń sebebi, tıisti taýar naryǵynda 10-ǵa jýyq uqsas qyzmet túrin júzege asyratyn jeke kásipkerlik sýbektileriniń bolýy.

«Monopolııaǵa qarsy organ úshin básekelestik ortanyń damýy memlekettiń qatysýymen kásiporyndardy qurýdan bas tartýǵa negiz  bola alady», - dep túsindirdi vedomstvoda.