Qaraǵandy oblysynyń sýdıasy 9 jylǵa sottaldy

QARAǴANDY. QazAqparat - Qaraǵandy oblysynyń sýdıasy 9 jylǵa bas bostandyǵynan aıyryldy. Bul týraly QazAqparat Sybaılas jemqorlyq agenttigine silteme jasap habarlaıdy.

2021 jylǵy 10 tamyzda Qaraǵandy qalasy Qazybek bı aýdandyq sotynyń úkimimen Qaraǵandy oblysy Mamandandyrylǵan aýdanaralyq ekonomıkalyq sotynyń sýdıasy E.M. Ǵabdýllın 9 jylǵa bas bostandyǵynan aıyryldy.

Ol «Olıvııa» JShS-niń zańgeri E.V. Kanter-Skrıpkınanyń Qaraǵandy qalasynda jalǵa beriletin turǵyn úı qurylysy boıynsha konkýrstardyń qorytyndylaryn joıý týraly atalǵan Seriktestiktiń talap-aryzdaryn qanaǵattandyrǵany úshin birinshi jáne apellıatsııalyq sot ınstantsııalarynyń sýdıalaryna 8 mln teńge mólsherinde para berý boıynsha alaıaqtyq jáne arandatýshylyq jasady.
«Olıvııa» JShS-niń zańgeri E.V. Kanter-Skrıpkına para berýge áreket jasaǵany úshin 3 jylǵa bas bostandyǵynan aıyryldy.
Sot úkimi zańdy kúshine engen joq.