Qaraǵandy oblysynyń sý qoımalarynda úsh adam sýǵa batyp ketti
QARAǴANDY. QazAqparat – Qaraǵandy oblysynyń sý aıdyndarynda úsh balyqshy sýǵa ketti, taǵy bir adamdy tótenshe jaǵdaılar salasynyń qyzmetkerleri qutqaryp, jaǵaǵa jetkizdi, dep habarlaıdy QazAqparat tilshisi.
12 sáýirde Qarajal qalasynan 20 shaqyrym jerde Qylysh sý qoımasynda jergilikti turǵyndar 1989 jyly týǵan er adamnyń denesin sýdan alyp shyqty.
Sol kúni Aqtoǵaı aýdany Aqóleń aýylynan 4 shaqyrym jerde Balqash kólinen jergilikti turǵyndar 1994 jáne 1993 jyly týǵan eki balyqshynyń máıitin sýdan shyǵardy.
Eki jaǵdaıda da balyqshylar sýǵa jeke qutqarý quraldarynsyz shyqqqany anyqtaldy.
Saǵat 22:10-da Abaı aýdanynda Dýbovka aýylynyń mańynda Soqyr ózeni arqyly ótpekshi bolǵan er adam jaǵaǵa jetpeı, ózenniń ortasynda qalyp qoıǵan. Er adam óz betimen jaǵalaýǵa jete almaǵandyqtan, ony tótenshe jaǵdaılar salasyyń qyzmetkerleri qutqarǵan.
