Qaraǵandy oblysynyń sportshysy toǵyzqumalaqtan onlaın týrnırde jeńiske jetti
QARAǴANDY. QazAqparat - Aǵadyr kentiniń turǵyny Qojanásip Asylhan toǵyzqumalaqtan halyqaralyq onlaın týrnırde jeńiske jetti, dep habarlaıdy QazAqparat tilshisi.
Aqtóbede arnaıy ınternet alańda jarys uıymdastyrylǵan bolatyn. Dodaǵa Qazaqstannyń qalalary men óńirlerinen 43 oıynshy, sondaı-aq Mońǵolııa, Aýǵanstan, Túrkııa jáne Túrikmenstan ókilderi qatysty.
Qaraǵandy oblysynan 21 jasar Asylhan Qojanásip óner kórsetti. Ol Eýrazııa ýnıversıtetiniń Aqparattyq tehnologııalar fakýltetiniń tórtinshi
kýrs stýdenti. 12 jyl boıy óz mektebindegi úıirmege jazylǵannan beri toǵyzqumalaq oınaıdy.
«Onlaın rejıminde myqty qarsylastarmen kúresý óte qyzyqty boldy. Men toǵyz adammen oınadym. Aqtyq saıysta burynnan tanys jáne kópten beri qarsylasyp kele jatqan Mańǵystaý men Pavlodar sportshylarmen baq talastyrdym. Árıne, eń úzdik bolyp, bedeldi týrnırde birinshi oryn alǵanyma qýanyshtymyn. Biz jaqynda koronavırýsty jeńemiz dep jáne qalypty jarystar bastalady dep úmittenemiz, onda kóńil-kúı, qarym- qatynas jáne básekelestiktiń qyzyqty rýhy bolady. Biraq karantın jaǵdaıynda onlaın birinshilik te mashyǵymyzdy joǵaltpaýdyń jáne óz ózimizdi tekserýdiń jaqsy tásili», - deıdi Asylhan Qojanásip.
Jas jigit ótken jyly Ystanbulda ótken týrnırde birinshi bolyp, respýblıkalyq chempıonattardyń birneshe dúrkin jeńimpazy jáne júldegeri atandy.
