Qaraǵandy oblysynyń Shet aýdanynda jańa mektep ashyldy
Oqý orny apattyq jaǵdaıda bolǵan ǵımarattyń ornyna salyndy. Mektep eki bloktan turady jáne de zamanaýı materıaldyq-tehnıkalyq bazamen jabdyqtalǵan.
Onda 17 oqý kabıneti, lıngafondy-mýltımedııalyq synyp, sheberhanalar, sport zaly, kitaphana, ashana, medıtsınalyq kabınet bar.
«Eski mektep apatty jaǵdaıda boldy. Sonymen qatar, ol óte shaǵyn, bizdiń balalar úsh aýysymda oqydy. Bizde ashana bolmady, dárethanalar kóshede boldy. Jańa ǵımaratta barlyǵy bar: synyptardan basqa, ashana, úsh sheberhana, dárethana, kóshede úsh kort bar. Sondaı-aq, mektepaldy daıarlyq synyby úshin 15 balaǵa arnalǵan jeke kireberis jabdyqtalǵan. Qazir olardyń jeke oıyn jáne oqý kabıneti bar. Bizdiń pedagogtar men ata-analar óte qýanyshty», – dedi mektep dırektory Janar Smaǵulova.
«Úshinshi toqsanda Kıikti aýylynyń oqýshylaryn barlyq sanıtarlyq normalar men talaptardy saqtaı otyryp, shtattyq rejımde oqytý josparlanýda», – dep habarlady Bilim basqarmasynan.
Qaraǵandy oblysy ákiminiń orynbasary Abzal Núkenov kıiktilikterdi zamanaýı mekteptiń ashylýymen quttyqtap, oqý ornyna 10 mıllıon teńgege sertıfıkat tabys etti.