Qaraǵandy oblysynyń Shet aýdanynda ótken bos jumys oryndarynyń jármeńkesinde 200-den astam jumys orny usynyldy

QARAǴANDY. 9 naýryz. QazAqparat - Qaraǵandy oblysyndaǵy Shet aýdanynyń Seıfýllın atyndaǵy kentinde 14 aýyldyq okrýgtyń turǵyndary qatysqan bos jumys oryndarynyń jármeńkesi ótti.

Aýdandyq ákimdikten habarlaǵandaı, aýyl turǵyndaryna 200-den astam jumys oryndary usynyldy. Bos jumys oryndaryn temirjol kompanııalary, kommýnaldyq kásiporyndar, densaýlyq saqtaý mekemeleri jáne taǵy basqalary usyndy.

Aýdandyq bılik kózderiniń aqparatynsha, jármeńkede 18 adam jumysqa turǵyzyldy, 13-i qoǵamdyq, taǵy 30-y - maýsymdyq jumystarǵa jiberildi. Budan basqa, 30 adam qaıta oqytý úshin tizimderge kirgizildi.

Jármeńke barysynda aýdandyq ákimdik pen Shet aýdanynda údemeli ındýstrııalyq-ınnovatsııalyq damý memlekettik baǵdarlamasynyń aıasynda jums istep jatqan «Bapy Mining» JShS-niń arasynda yntymaqtastyq týraly memorandýmǵa qol qoıyldy.

«Bul jármeńkeniń ózinde-aq kásiporyn 25 bos jumys oryndaryn usyndy», - dep atap ótedi aýdan ákimdiginen.