Qaraǵandy oblysynyń sharýalary Astanadaǵy jármeńkege 830 tonnadan astam ónimderin ákeldi
ASTANA. 28 qyrkúıek. QazAqparat - Búgin Astanadaǵy dástúrli jármeńkege Qaraǵandy oblysynyń kásipkerleri aýyl sharýashylyq ónimderin alyp keldi.
Olar jalpy salmaǵy 830 tonnadan astam ónimdi elorda baǵasynan 20 paıyz arzanǵa satýda.
Atap aıtar bolsaq, jármeńkege Abaı, Aqtoǵaı, Buqar jyraý, Jańaarqa, Qarqaraly, Nura, Osakarov, Ulytaý, Shet aýdandary men Qaraǵandy, Saran, Shahtınsk, Balqash, Temirtaý qalalarynan166 kásipker óz ónimderin ákelgen. Ónimder arasynda 450 tonna kartop, 250 tonna kókónis, 65,5 tonna et, 8 tonna shujyq, 17,5 tonna sút ónimderi, 500 myń dana jumyrtqa, 9 tonna balyq jáne basqa da azyq-túlik qamtylǵan.
Jármeńkeni aralap kórgen Astana qalasynyń ákimi Imanǵalı Tasmaǵambetov Qaraǵandy oblysynyń sharaǵa tyńǵylyqty daıyndyqpen kelgenin atap ótti. «Qaraǵandy oblysy búgingi jármeńkege 800 tonnadan astam aýyl sharýashylyǵy ónimderin alyp keldi. Ónim óte sapaly jáne orta eseppen alǵanda Astana naryǵynan shamamen 20 paıyzǵa tómen baǵamen satylýda. Ózderińiz kórip otyrsyzdar, halyq kóptep kelip, rıza bolyp qaıtyp jatyr. Budan ónimniń sapaly ári arzan ekenin kórýge bolady», - dep atap ótti ol.
Óz kezeginde Qaraǵandy oblysynyń ákimi Baýyrjan Ábdishev bul dástúrdiń jylda jalǵasyn tabatynyna ýáde berdi. «Bıyl bizdiń óńirde sońǵy 20 jylda bolmaǵan mol ónim alyndy. Búgingi jármeńkege oblysymyzdyń adamdary óz qoldarymen ósirgen ónimder ákelinip otyr. Bul dástúrli budan bylaı da jalǵastyra bermekpiz», - dep atap ótti B. Ábdishev.
Jármeńkeniń qatysýshylaryna jáne qonaqtarǵa oblystyń shyǵyrmashylyq ujymdary kóontserttik baǵdarlamalar men qolóner jumystarynyń kórmesin usyndy.
