Qaraǵandy oblysynyń shalǵaı aýyldaryn jyljymaly egý kesheni aralaıdy
QARAǴANDY. QazAqparat – Qaraǵandy oblysy Qarqaraly aýdanynyń shalǵaıdaǵy eldi mekenderiniń turǵyndary aýdan ortalyǵyna barmaı-aq vaktsınatsııadan óte alady. Aýyldarda jyljymaly egý pýnkteri jumys jasaıtyn bolady, dep habarlaıdy QazAqparat tilshisi.
Qarqaraly aýdanynda aýyl turǵyndaryna yńǵaıly bolý úshin jyljymaly egý keshenderiniń jumysy uıymdastyryldy. Mobıldi vaktsınatsııa pýnkteri árbir eldi mekenge qyzmet kórsetetin bolady.
«Ókinishke oraı, bizdiń aýdanda vaktsınatsııa kórsetkishteri jaqsy emes. Sonymen qatar, juqtyrý qaýpi áli de joǵary. Biz aýdan turǵyndaryn belsendi azamattyq ustanym tanytyp, ekpe alýǵa shaqyramyz. Buryn olar Qarqaraly jáne Egindibulaq aýrýhanalary janynan ashylǵan eki pýnkte ǵana egiletin. Qazir biz adamdar jumystan jáne úıden qol úzbeı vaktsınany alý úshin eki jyljymaly egý kesheniniń jumysyn uıymdastyrdyq», – dep atap ótti Qarqaraly aýdanynyń ákimdiginde.
Jyljymaly vaktsınatsııa pýnkteri kún saıyn qoǵamdyq oryndarda jumys isteıdi. Sondaı-aq, vaktsınalanǵandar úshin aktsııa iske qosyldy: ekpe alǵandarǵa azyq-túlik satyp alýǵa sertıfıkattar beriledi.
«Vaktsınatsııa pýnkterinde aqparattyq-túsindirý jumystary da júrgizilýde. Dárigerler turǵyndardyń suraqtaryna jaýap berýge daıyn jáne ekpe jasamas buryn bárin mindetti túrde tekseredi. Birinshi kezekte olar búkil Qarqaralyny aralap, keıin shalǵaı aýyldarǵa attanady», – dep tolyqtyrdy jergilikti ákimdikte.
