Qaraǵandy oblysynyń Shahan kentinde karantındik shekteýler jeńildetildi
QARAǴANDY. QazAqparat – Qaraǵandy oblysynyń Shahan kentinde koronavırýs ınfektsııasyna baılanysty shekteýler jeńildetiledi. Atap aıtqanda, mektepke deıingi mekemeler, balalar jáne sporttyq-saýyqtyrý ortalyqtary men basqa da nysandar jumysyn jandandyrady, dep habarlaıdy QazAqparat tilshisi.
Shahan kentinde COVID -19 ınfektsııasy boıynsha jaǵdaıdyń turaqtanýyna baılanysty shekteýler alynyp tastalady.
Kelesi qyzmetter qaıta jandanady:
- mektepke deıingi balalar mekemeleriniń (kezekshi toptar); jalpy bilim beretin mektepterdiń (kezekshi synyptar);
- balalar kabınetteriniń/túzetý ortalyqtarynyń, balalar men eresekterdiń bilim berý ortalyqtarynyń qyzmeti;
- sporttyq-saýyqtyrý ortalyqtarynyń, trenajer zaldarynyń, sport úıirmeleriniń/sektsııalarynyń jumysy;
- jármeńkeler;
- mádenıet obektileri.
Demalys kúnderi: monshalardyń, saýnalardyń, bazardyń qyzmeti; Shahtınsk-Shahan-Shahtınsk qatynasyndaǵy turaqty jolaýshylar tasymaldarynyń qozǵalysy qaıta bastalady.
Qoǵamdyq tamaqtaný obektileri men qyzmet kórsetý salasyndaǵy sýbektilerdiń (Ekinshi deńgeıdegi bankter, poshta bólimsheleri, Halyqqa qyzmet kórsetý ortalyqtary, advokattyq jáne notarıattyq keńseler, lombardtar, mıkroqarjy jáne mıkrokredıttik uıymdar, saqtandyrý kompanııalary) jáne jumysyna ruqsat etilgen obektilerdiń qyzmeti men jumys rejımi «Qaraǵandy oblysynda shekteý is-sharalaryn kúsheıtý týraly» Qaraǵandy oblysynyń Bas memlekettik sanıtarııalyq dárigeriniń 2021 jylǵy 19 qańtardaǵy №2-q qaýlysymen retteledi.
«Shahan kentiniń turǵyndary Qazaqstan Respýblıkasynyń Bas memlekettik sanıtarııalyq dárigeri men Qaraǵandy oblysynyń Bas memlekettik sanıtarııalyq dárigeriniń qoldanystaǵy qaýlylarynyń talaptaryn saqtaýy qajet. Turǵyndarǵa: qyzmeti jańartylmaǵan obektilerge barýǵa, sondaı-aq olardyń jumys rejımine sáıkes jabylǵannan keıin obektilerde bolýǵa tyıym salynady. Qaýly 2021 jyldyń 20 aqpan kúni saǵat 00-00-den bastap kúshine enedi», - dep málimdedi Qaraǵandy olystyq sanıtarııalyq-epıdemıologııalyq baqylaý departamentiniń baspasóz qyzmeti.
Eske sala keteıik, aıdyń basynda Shahan kentinde qarttar úıinde koronavırýs indeti tirkelgen bolatyn. 2 aqpanda atalǵan kentte koronavırýs ınfektsııamen syrqattaný deńgeıi oblystyq kórsetkishten asyp ketýine baılanysty birqatar shekteý sharalary engizildi.
