Qaraǵandy oblysynyń segiz kentinde turǵyndar evakýatsııalandy
QARAǴANDY. QazAqparat - Qaraǵandy oblysynyń segiz kentinde sý tasqyny oryn alyp, aýyl turǵyndary evakýatsııalandy, dep habarlaıdy «QazAqparat» HAA tilshisi.
Qaraǵandy oblystyq TJ departamenti bastyǵynyń orynbasary Murat Qatpanov brıfıngte habarlaǵandaı, segiz aýyldan 397 adam evakýatsııalandy. Sý tasqyny oryn alǵan barlyq eldi mekender Buqar jyraý, Qarqaraly, Shet, Jańaarqa aýdandarynda ornalasqan.
«Qazirgi tańda 397 adamnyń 361-i óz úılerine qaıtty. Qalǵandary - Jańaarqa aýdanynyń Aqshaǵat aýylynyń turǵyndary - Bıdaıyq aýyly men Atasý kentindegi evakýatsııalanǵan jerlerde qalady. 89 bas iri qara mal, 113 bas kishi qara mal aıdaldy», - dep habarlady Murat Qatpanov. 
Ol atap ótkendeı, kóptegen aýyldarda sý tasqyny áli bastalmaǵan.
«2 myń 500 metr ýaqytsha úımeler qoıyldy. 8830 ydysqaptar tóseldi. 700 tekshe metr sýdy tartyp shyǵardyq. Barlyq kúshter men qurylǵylar joǵary daıyndyq rejıminde», - dep habarlady Murat Qatpanov.
