Qaraǵandy oblysynyń Sátbaev qalasynda kópbalaly otbasylar baspanaly boldy

SÁTBAEV. QazAqparat – Qaraǵandy oblysynyń Sátbaev qalasynda jeke ınvestor esebinen salynǵan jańa úıdiń páter kiltteri tabys etildi, dep habarlaıdy QazAqparat tilshisi.

60 páterdiń 22-si kópbalaly otbasyǵa berildi. Kópten kútken baspanaǵa ıe bolǵandardyń qýanyshy Elorda kúnimen tuspa-tus keldi.

«Áleýmettik qorǵaý sanatyna jatatyn turǵyndardy baspanamen qamtamasyz etý basym mindet bolyp tabylady. Bul rette kópbalaly otbasylarǵa erekshe kóńil aýdarylady. Ótken jyly qalada 51 kópbalaly otbasy páter kiltterin alǵan bolatyn. Bul baǵytta jumystar jalǵasýda», - dep atap ótti Sátbaev qalasynyń ákimi Asqar Ydyrysov.

Qonys toıyn toılaýshylar kórsetken qamqorlyǵy úshin memleketke alǵys bildirdi.