Qaraǵandy oblysynyń prokýratýrasy lańkesti Ózbekstanǵa ekstradıtsııalaýǵa kómektesti

dep habarlaıdy Qazaqstannyń bas qadaǵalaýshy organynyń baspasóz qyzmeti.

Prokýratýranyń habarlamasynda osy jylǵy sáýirdiń 22-si kúni Sátbaev qalasy ishki ister bólimi men Jezqazǵan qalasy Ulttyq qaýipsizdik komıteti departamentiniń qyzmetkerleri jedel-izdestirý sharalaryn ótkizý barysynda Ózbekstan Respýblıkasynyń azamaty Seıdahmed Holmatovty qolǵa túsirdi, delingen.

Qadaǵalaýshy organnyń málimeti boıynsha, ustalǵan adamǵa qylmystyq top quryp, ulttyq, násildik jáne dinı arazdyq týdyrǵany úshin, lańkestik, dinı, ekstremıstik jáne basqa da tıym salynǵan uıymdarǵa qatysyp, oǵan jetekshilik jasap, osyndaı uıym qurǵany úshin qylmystyq iske tartý boıynsha Ózbekstan Respbýlıkasynyń Ándijan oblysy ІІB tergeý basqarmasynyń tergeý toby izdeý salǵan.

Ony tutqyndaýǵa 2010 jyly sáýirdiń 25-i kúni Sátbaev qalalyq sotynyń qaýlysymen sanktsııa berilgen.

«Qazaqstan Respýblıkasynyń Bas prokýratýrasy Ózbekstan Respýblıkasy Bas prokýratýrasynyń talaptaryn qarap, qylmyskerdi berý týraly sheshim qabyldady», - delingen baspasóz qyzmetiniń taratqan aqparatynda.