Qaraǵandy oblysynyń polıtsııasy qatarynda 23 ınternatsıonalıst-jaýynger qyzmet atqarsa, ІІB-niń 27 ardageri Aýǵanstandaǵy soǵysqa qatysqan
QARAǴANDY. 15 aqpan. QazAqparat /Valentına Elızarova/ - Qaraǵandy oblysynyń Іshki ister departamentinde Keńes áskerleriniń Aýǵanstannan shyǵarylǵanyna 22 jyl tolýyna arnalǵan kezdesý bolyp ótti.
Qazirgi tańda Qaraǵandy oblysy polıtsııasynyń qatarynda 23 ınternatsıonalıst-jaýynger qyzmet atqaryp júr, dep atalyp ótildi kezdesý barysynda. Oblystyq ishki ister bóliminiń 27 ardageri de Aýǵanstandaǵy soǵys otyn kórgen.
«Osy soǵystan oralǵan adam ǵana beıbit ómirdiń baǵasyn biledi», - deıdi jıynǵa qatysqan jurtshylyq.
Jınalǵan qaýym aldynda oblystyq ishki ister departamentiniń bastyǵy, polıtsııa general-maıory Nurlan Rahymberlın sóz sóıledi. «1989 jyldyń aqpan aıynda bul uzaq soǵystyń oty sóndi. Aýǵanstandaǵy soǵys toǵyz jyl, bir aı jáne 19 kúnge jalǵasqan. Sodan beri 22 jyl ótti. Júrekterinde úlken jara qalǵan soǵys jaýyngerleri de qartaıdy», - dedi ol.
Aýǵan soǵysyna qatysqan jaýyngerler ІІD basshylyǵy atynan baǵaly syılyqtarǵa ıe boldy.
Aýǵan soǵysyna qaraǵandylyq 2000-nan astam jaýynger qatysqan. Olardyń arasynda 76 otandasymyz úıine oralmady. 1990 jyldyń 5 qarashasy kúni Qaraǵandyda ınternatsıonalıst-jaýyngerlerge arnalyp eskertkish ashylǵan bolatyn.
