Qaraǵandy oblysynyń pedagogtary biliktilik arttyrýda
QARAǴANDY. QazAqparat - Qaraǵandy oblysynyń pedagogtary biliktiligin arttyrýda, dep habarlaıdy QazAqparat tilshisi.
Qaraǵandy oblysynda pedagogtarǵa arnalǵan Kóktemgi mektep óz jumysyn bastady. Bir apta boıy onlaın rejıminde kásibı sheberlikti arttyrý kýrstary ótedi.
ZOOM platformasyndaǵy alǵashqy sabaqtarǵa mektep dırektorlarynyń orynbasarlary – 620 adam qatysty. Olar bilim berýdegi normatıvtik-quqyqtyq qujattarmen jáne attestattaý tártibimen tanystyryldy.
Kóktemgi mektep baǵdarlamasyna sondaı-aq 3D-tehnologııalar jáne baǵdarlamalaý boıynsha oqytý kýrstary kiredi.
Aıta keteıik, biliktilikti arttyrý kýrsynan pán muǵalimderi ótedi.
«Bolashaq basshy» kadr rezervi mektebiniń ókilderi úshin de sabaqtar uıymdastyryldy.
