Qaraǵandy oblysynyń ózenderinde sý deńgeıi normadan joǵary
QARAǴANDY. QazAqparat - Qaraǵandy oblysynyń barlyq ózenderiniń basseınderinde sý deńgeıi normadan joǵary, dep habarlady «QazAqparat» HAA tilshisi.
Óńirge joǵary ázirlik rejimi engizilgen.
Oblys ákimdiginiń baspasóz qyzmetinde sý sáýirdiń birinshi jartysynda jaıylady dep kútilýde. Ózenderde muzdy jarý jumystaryn júrgizý qajet.
«Buqar jyraý, Osakarovka, Abaı, Nura, Shet jáne Qarqaraly aýdandarynda sý 15 santımetrden úsh metrge deıin kóterilýi múmkin. Tómengi ýchaskelerde bir jarymnan úsh shaqyrymǵa deıin jaıylýy yqtımal», - dedi ákimdiktiń baspasóz qyzmetinde TJD bastyǵy Kúlshimbaevtiń sózin keltirip.
Oblys ákimi Qoshanov baǵynysty qyzmetkerlerge problemany jasyrmaı, ashyq aıtýǵa shaqyrdy.
Óńirde ınertti materıaldarǵa arnaıy tehnıkalar men qaptar jetkiliksiz.
«Sý tasqyny kezeńin qaýipsiz ótkerý basty mindet, jumystardyń bárin jumyla úılestirý qajet. Qazir ár vedomstvo bir-birimen kelispeı, ózinshe áreket júrgizýde. Osynyń barlyǵy erteń tótenshe oqıǵaǵa soqtyrýy múmkin», - dedi Erlan Qoshanov.
Oblysta eskertý jarııalandy. «Qazgıdromet» boljamy boıynsha 29-30 naýryzda qar kúrt erip, sý tasýy múmkin.
