Qaraǵandy oblysynyń ózenderinde sý deńgeıi kóterilýine baılanysty turǵyndar kóshirilýde
QARAǴANDY. QazAqparat - Nura ózeninde sý deńgeıi kóterildi, saldarynan Buqar jyraý aýdany Kókpekti aýyldyq okrýgi Sarytóbe kentinen turǵyndar ishinara evakýatsııalanýda, dep habarlady «QazAqparat» HA tilshisi.
Budan basqa Sherýbaı-Nura ózeninde sý deńgeıiniń kóterilýi saldarynan Shet aýdanyn Qaıraqty aýylynda úılerdi sý basý qaýpi týyndady, qazir adamdar ishinara kóshirile bastady.
«Halyqtar habardar etilip, aýla mańy tekserildi. Sarytóbede 650 adam, 157 aýla bar. 15 úıden 65 adam kóshirildi. Maldary qaýipsiz jerge jetkizildi. Qaıraqty aýylynda 98 adam turady. 27 aýla bar. 11 úıden 33 adam týystarynyń úılerine evakýatsııalanyp, maldary qaýipsiz jerge jetkizildi», - dep habarlady TJD baspasóz qyzmetinen.
Nura ózeninde 160 metr jerge qaptar qoıyldy. Sý ótkizý úshin jol qazyldy.
