Qaraǵandy oblysynyń ózenderinde muz jarý jumystary jalǵasýda

QARAǴANDY. QazAqparat – Qaraǵandy oblysynyń ózenderinde kóktemgi muzdyń jyljýy kezinde keptelisterdi boldyrmaý úshin ózenderde muz jarý jumystary jalǵasýda, dep habarlaıdy QazAqparat.

Jıyrma jetinshi naýryzda Qarqaraly aýdany Tegisshildik aýyldyq okrýgindegi Jarly ózeninde jarylys jumystary júrgizildi. Muzdy usaqtaý 650 sharshy metr aýmaqta júrgizildi.

Buǵan deıin Buqar jyraý aýdanyndaǵy jáne Temirtaý qalasynyń mańynda Nura, Ótkelsiz ózenderinde, Osakarov aýdanyndaǵy Sabyrqoja ózeninde muzdy jarý, burǵylaý jáne kesý jumystary júrgizildi.

Qaraǵandy oblysynyń Tótenshe jaǵdaılar departamenti balalardy eresekterdiń qaraýynsyz ózenderge jibermeýdi suraıdy. Qutqarýshylar ózen-kólderdi ashý kezinde muz ústinde bolý qaýpi bar ekenin eskertedi. Sý aıdyndaryna jaqyn jerde mal jaıýyn shekteý usynylady, óıtkeni muz astyna batyp ketý jáne muzdyń bóliný qaýpi bar. Sondaı-aq, muzda kólikpen júrýge bolmaıdy.