Qaraǵandy oblysynyń mıllıonnan astam turǵyny MÁMS júıesinde saqtandyrylǵan

QARAǴANDY. QazAqparat – Qaraǵandy oblysynyń 1,1 mıllıonnan astam turǵyny mindetti áleýmettik medıtsınalyq saqtandyrý júıesinde «saqtandyrylǵan» degen mártebege ıe. Medıtsınalyq saqtandyrý qorynyń Qaraǵandy fılıaly óńirde medıtsınalyq saqtandyrýdy júzege asyrýdyń birinshi jylynyń qorytyndysyn shyǵardy, dep habarlaıdy QazAqparat tilshisi.

Qaraǵandy oblysynda 1 144 663 turǵyn medıtsınalyq saqtandyrý paketinen qyzmetterdi tegin paıdalana alady, onyń ishinde qymbat turatyn tekserýlerden jáne emdeýden óte alady. 732 myń turǵyn jarnalardy tóleýden bosatylǵan jáne memleket saqtandyrǵan 15 sanatqa jatady - bul balalar, tirkelgen jumyssyzdar, jumys istemeıtin júkti áıelder, zeınetaqy tólemderin alýshylar, onyń ishinde UOS qatysýshylary men múgedekteri, jumys istemeıtin etnıkalyq qazaqtar-repatrıanttar, múgedekter, stýdentter jáne basqalar. 127 myńnan astamy - BJT tóleýshiler. Azamattardyń 16% (284 myń) MÁMS júıesinde mártebesi joq.

«Taldaý kórsetkendeı, búgingi kúni azamattardyń mártebesiniń bolmaýynyń negizgi sebebi-bul MÁMS úshin aýdarymdar men jarnalardyń turaqsyzdyǵy. Osyǵan baılanysty MÁMS júıesindegi óz mártebeńizdi turaqty túrde baqylap otyrý qajet, tólemder boıynsha bereshek anyqtalǵan jaǵdaıda ony óteý nemese osy máselemen jumys berýshige júginý qajet», - dep atap ótti medıtsınalyq saqtandyrý qorynyń Qaraǵandy fılıalynyń dırektory Fazyl Kopobaev.

Mártebeniń bolmaýynyń ekinshi sebebi - kásipkerlerdiń óz qyzmetkerleri týraly málimetterdi ýaqtyly bermeýi.

Esterińizge sala keteıik, 2020 jyldyń sáýir aıynan bastap óz qyzmetkerleri úshin medıtsınalyq saqtandyrý qoryna jarnalar men aýdarymdardan ShOB-tyń 29 sanaty bosatyldy. Jarnalar men aýdarymdar túspeıtin osy bıznes sýbektileriniń qyzmetkerleri saqtandyrylýy úshin kásipkerler qyzmetkerler týraly derekterdi qor bazasyna msb.fms.kz elektrondyq resýrsy arqyly berýi kerek.