Qaraǵandy oblysynyń mektepterinde ashanalar ashylýda
Oblysta 15 qańtarda koronovırýstyq ınfektsııanyń 12 613 jaǵdaıy tirkeldi. Qazirgi ýaqytta óńirdiń jekelegen aýmaqtarynda syrqattanýshylyqtyń ósýi baıqalady. Barlyq COVID-19 oqıǵalarynyń qańtar aıynda Temirtaý qalasynda 29%, Osakarov aýdanynda - 3,6%, Abaı aýdanynda - 6,5% tirkelgen.
«Aýrýdyń órshýine jol bermeý maqsatynda oblystyń bas sanıtarlyq dárigeriniń barlyq nusqaýlaryn saqtaý qajet. Balalarǵa, qart adamdarǵa jáne sozylmaly aýrýlary bar jandarǵa erekshe nazar aýdarǵan abzal. Sizderdiń jáne jaqyndaryńyzdyń densaýlyǵy ózderińizdiń qoldaryńyzda!» - dedi ıÝrıı Zalygın.
Sonymen qatar, Qaraǵandy oblysy boıynsha kolledjder men joǵary oqý oryndarynyń stýdentterin ekinshi semestrden bastap shtattyq oqytý qaıta bastaldy. Úshinshi toqsanda kóptegen oqýshylar oqýyn dástúrli formatta jalǵastyrdy. Mektep ashanalary ashylýda. Olardyń toltyrylýy otyratyn oryndardyń 30%-ynan aspaýy tıis. Qyzmetkerler baılanyssyz termometrııamen tańerteńgi fıltrden ótedi. Jedel respıratorlyq vırýstyq ınfektsııalardyń belgileri joq qyzmetkerler ǵana jumysqa jiberiledi.
«Ata-analardan barynsha jaýapkershilik kórsetýdi, balalarmen áńgime júrgizýdi jáne olarǵa qoǵamdyq oryndarda qaýipsiz júrip-turý qaǵıdalaryn eske salýdy suraımyn. Olarǵa maskany durys kııý, qashyqtyqty saqtaý, qol gıgıenasy týraly taǵy bir ret aıtyńyzdar. Mundaı qarapaıym qaýipsizdik sharalary koronavırýstyq ınfektsııany juqtyrý qaýpin azaıtady», - dedi ıÝrıı Zalygın.
Jedel áreket etý ortalyǵynyń basshysy Qaırat Shormanbaev qala turǵyndaryn abaı bolýǵa jáne sanıtarlyq talaptardyń buzylǵany týraly Senim 109 telefonyna habarlaýǵa shaqyrdy.
