Qaraǵandy oblysynyń mektepteri úshin jańa «Ólketaný» oqýlyǵy jaryqqa shyǵady
QARAǴANDY. QazAqparat - Birinshi qyrkúıekten bastap Qaraǵandy oblysynyń orta mektepterindegi barlyq jetinshi synyptarǵa «Ólketaný» páni qosylady, osyǵan baılanysty óńirdegi pedagogtar toby onyń mazmunymen jumys isteýde, dep habarlaıdy «QazAqparat» HAA tilshisi.
Osy jumystyń úılestirýshisi, oqytý-ádistemelik ortalyqtyń ádiskeri Baqytgúl Kalekınanyń habarlaýynsha, kitapta barlyq 18 qalanyń jáne Qaraǵandy oblysyndaǵy aýdandardyń tarıhy týraly derekter qamtylady.
«Ár aýdan men qala ózderi jaıly materıaldar usyndy. Keıin olar bir kitapqa jınaqtalady. Ol 20 oqý saǵatyna eseptelingen», - dedi Baqytgúl Kalekına.
Tamyz aıynyń sońynda oqýlyq qurastyrylyp, baspahanaǵa jiberiledi. Oqýshylarǵa kitapty mektep kitaphanasyn berý nemese satyp alý máselesi sheshilýde. «Ólketaný» kitbyn shyǵarýdaǵy maqsat - oqýshylarǵa óz óńiriniń tarıhy men arheologııasy, biregeı oryndary týraly syr shertý.
