Qaraǵandy oblysynyń qutqarýshylaryna qyzmettik kólikter tabys etildi
QARAǴANDY. QazAqparat - Qutqarýshylar kúni qarsańynda Qaraǵandy oblysynyń ákimi Erlan Qoshanov aımaqtaǵy qutqarýshylarǵa avarııalyq-qutqarý jáne jedel-qyzmettik tehnıkanyń kiltin tabystady, dep habarlaıdy Qaraǵandy oblysy Tótenshe jaǵdaılar departamentiniń baspasóz qyzmeti.
Sonymen qatar, aımaq basshysy Qaraǵandy oblysy Іshki ister departamentine qyzmettik avtokólikterdiń kiltterin tabystaldy.
«2018 jáne 2020 jyldar aralyǵynda Qazaqstan Respýblıkasy Іshki ister mınıstrligi Tótenshe jaǵdaılar komıtetiniń vedomstvolyq memlekettik mekemeleri men aýmaqtyq bólimshelerin materıaldyq-tehnıkalyq jaraqtandyrý týraly» Jol kartasyna sáıkes jergilikti bıýdjet esebinen 9 tehnıka satyp alynǵan. Onyń ishinde órt avtotsısternalary, jol talǵamaıtyn avtokólik, avto kótergish jáne qyzmettik avtokólik bar.
Sondaı-aq, aǵymdaǵy jyly qaraǵandylyq qutqarýshylardyń tehnıka parki respýblıka bıýdjetinen alynǵan 10 avtotsısternamen jáne avtotirkemeli kótergishpen tolyqty.
«Adamdardy qutqarý jáne qorǵaý isinde aıtarlyqtaı tájirıbe jınap, qutqarý bólimsheleriniń tehnıkalyq jaǵynan jaqsy jaraqtandyryla tústi. Bul iske jergilikti atqarýshy organdardyń qosyp otyrǵan úlesi az emes», - atap ótti aımaq basshysy.
Onyń sózinshe, Qazaqstandaǵy turaqtylyq qutqarý bólimshelerin zamanaýı tehnıkalyq resýrstarmen qaıta jaraqtandyrýǵa jáne kezeń-kezeńimen jańartý bóliginde tehnıkalyq saıasatty úılestirýge kómek berdi. Endi bólimsheler aýyr mindetterdi tabysty sheshýge kómek beretin zamanaýı tehnıkamen jabdyqtalǵan. Qutqarýshylar beıbit kúnderi de adamdardyń ómirleri men densaýlyǵy úshin kúresedi.
«Osyndaı qajetti tehnıkany bizdiń kásibı merekemiz Qutqarýshy kúni aldynda alǵanymyzǵy qýanyshtymyz. Qaraǵandylyq qutqarýshylardyń kúshteri budan bylaı da tótenshe jaǵdaılardyń aldyn alýǵa jáne joıýǵa baǵyttalatyn bolady», - dep atap ótti TJD bastyǵy Kúlshimbaev Ibragım.
