Qaraǵandy oblysynyń qutqarýshylary «ushaq apatynyń» saldaryn joıdy
QARAǴANDY. QazAqparat –Qaraǵandy oblysynyń TJ Departamenti áýe apattary kezinde jolaýshylar menekıpajdy izdestirý jáne qutqarý boıynsha oqý-jattyǵý ótkizdi, dep habarlaıdy QazAqparat tilshisi.
Jattyǵý boıynsha, búgin tańerteń Qaraǵandy áýejaıynyń mańynda AN-24 jolaýshylar ushaǵy apatqa ushyraǵan. Oqıǵa ornyna TJD, TJM áskerı bólimi jáne «Saryarqa» áýejaıynyń kúshteri men quraldary jiberildi. Zardap shekkender qoqys astynan shyǵarylyp, evakýatsııalandy.
Oqý-jattyǵý apatqa ushyraǵan áýe kemeleriniń jolaýshylary men ekıpaj múshelerin izdestirýdi
jáne qutqarýdy uıymdastyrý boıynsha is-qımyldardy pysyqtaý maqsatynda ótkizildi.
Jospar boıynsha «112» pýltine Qaraǵandy qalasy áýejaı dıspetcherlik qyzmetinen
AN-24 áýe kemesimen apatty jaǵdaı týyndaǵany týraly habarlama kelip tústi.
TJD jedel kezekshileri avarııalyq-qutqarý qyzmetteri men qurylymdaryn shuǵyl qulaqtandyrýdy júrgizdi.
Avarııalyq áýe kemesiniń koordınattaryn anyqtaý úshin QR TJM «Qazavıaqutqarý» AQ izdeý
tikushaǵynyń ushýy uıymdastyryldy.
Áýejaıdan soltústik-batysqa qaraı 8 km jerde ushaq qulaǵan jer, jolaýshylar men ekıpajdan zardap shekkender tabyldy. Avarııalyq-qutqarý qyzmetteri áýe kemesiniń konstrýktsııalary qysyp qalǵan zardap shegýshilerdi alyp shyqty.
Sondaı-aq, tógilgen avıatsııalyq otynnyń janýyn sóndirýdi uıymdastyrýmen jalpy aýdany 1000 sharshy metrden astam áýe kemesi fragmentteriniń janýyn joıý boıynsha is-sharalar júrgizildi.
Oqý-jattyǵýǵa Qaraǵandy oblysy TJD 66 adam jáne 17 birlik tehnıka, QR TJM 52859 áskerı bólimi, Apattar medıtsınasy ortalyǵy, «Qazavıaqutqarý» AQ, «Sary-Arqa» áýejaıy» AQ jumyldyryldy.
