Qaraǵandy oblysynyń qutqarýshylary eki adamdy qutqardy
QARAǴANDY. QazAqparat - Qaraǵandy oblysynyń qutqarýshylary shalǵaı aýdannan aýyr naýqas áıeldi aýrýhanaǵa jetkizdi. Sondaı-aq qutqarýshylar dalada adasyp qalǵan er adamdy taýyp aldy, dep habarlaıdy QazAqparat tilshisi.
4 qańtar kúni Sátpaev qalasynyń qutqarý qyzmetine jedel medıtsınalyq járdem brıgadasynyń qar qursaýynan shaqyrylǵan jerge deıin jete almaı turǵany týraly habar kelip túsken. Shampaı aýylynyń 71 jasar turǵynyna shuǵyl kómek qajet bolǵan. Olar arnaıy «Trekol» tehnıkasymen Shampaı aýylyna feldsherlerdi jetkizdi. Olar áıeldi tekserip bolǵannan keıin ony aýrýhanaǵa jatqyzý kerektigi belgili boldy. Naýqas shuǵyl Sátpaev qalasyna jetkizildi.
Taǵy bir qutqarý operatsııasy Ulytaý aýdanynda júrgizildi.
5 qańtarda Qarakeńgir aýyldyq okrýgi Qypshaqbaı qystaǵynyń jergilikti turǵynynyń joǵalyp ketkeni týraly habar túsken.
Sol kúni er adam atpen mal qaraýǵa ketip, úıine oralmaǵan. Іzdestirý-qutqarý jumystaryn júrgizýge arnaıy tehnıka men qutqarýshylar, ákimdik qyzmetkerleri men jergilikti turǵyndar tartyldy.
Joǵalǵan adam 13:30-da óz qystaǵynan 20 shaqyrym jerden tabyldy. Oǵan medıtsınalyq kómektiń qajeti bolmady. Er adamnyń tumannan baǵdaryn joǵaltyp alyp, úıine ýaqytyly jete almaǵany anyqtaldy.
Qutqarýshylar qysqy ýaqyttaǵy qaýip týraly eskertedi. Olar meteojaǵdaı nasharlap ketken ýaqytta alysqa jolǵa shyǵýdan bas tartý kerektigin aıtýda.
