Qaraǵandy oblysynyń kolonııalarynda sottalǵandardyń balalary úshin erteńgilikter ótti
QARAǴANDY. QazAqparat - Sottalǵan balalarǵa jańajyldyq merekeni Qaraǵandy oblystyq qylmystyq atqarý júıesiniń qyzmetkerleri uıymdastyrdy, dep habarlaıdy QazAqparat.
Qamaýda otyrǵandardyń balalary bul kúni ata-analarymen qaýyshyp, Aıaz ata men Aqshaqardan syılyq aldy. Olar sonymen qatar ata-analary men Qaraǵandy oblysy qylmystyq atqarý júıesiniń qyzmetkerleri uıymdastyrǵan kontsertti tamashalady.
Qylmystyq atqarý júıesi komıtetiniń Qaraǵandy oblysy boıynsha departamentiniń qoǵammen jumys qyzmetiniń úılestirýshisi Esimjan Baıtasovtyń sózinshe, jańajyldyq erteńgilikterdi uıymdastyrýdaǵy basty maqsat - sottalǵandardy kópten beri kórmegen otbasylarymen jaqyndastyrý.
«Mundaı sharalardy uıymdastyrýdaǵy maqsat - otbasylyq yntymaqty nyǵaıtý. Sottalǵandar balalarymen jáne jarlarymen bolǵan osyndaı kezdesýlerden soń birshama tártipke baǵyna bastaıdy. Mundaı jaǵdaılar sonymen qatar penıtentsıarlyq júıe ishindegi jaǵdaıǵa da oń áser etedi»,-dedi Esimjan Baıtasov.
Naqtyraq aıtqanda, Dolınka aýylyndaǵy AK-159/7 mekemesine ózderiniń ákelerine 20-dan astam bala keldi. Olar ákelerimen birge shyrshany aınalyp, Aıaz ata men Aqshaqarǵa taqpaq aıtyp, syılyqtar aldy.
Jańajyldyq merekeniń sońy keı jaıylǵan dastarhandaǵy otyrysqa ulasty.
Qaraǵandy oblysynda búginde 10 túzeý mekemesi men 1 tergeý ızolıatory bar.
