Qaraǵandy oblysynyń Kókpekti aýylyndaǵy TJ boıynsha qylmystyq is qozǵaldy
ASTANA. QazAqparat - Kókpekti aýylyndaǵy adamdar qurban bolǵan tótenshe jaǵdaı boıynsha oblys prokýrorynyń nusqaýy boıynsha bógettiń menshik ıeleri men sheneýnikterge qatysty qylmystyq is qozǵaldy, dep habarlady oblystyq prokýratýranyń baspasóz qyzmetinen.
«Eki qylmystyq is qozǵaldy. Buqar jyraý aýdany ákimdiginiń qyzmetkerleri men TJ bóliminiń qyzmetkerlerine qatysty QR QK-niń 316-babynyń 2-tarmaǵy boıynsha qylmystyq is qozǵaldy. Sondaı-aq «Shańyraq» Agrofırmasy» JShS jáne «Tabıǵat HHІ» JShS laýazymdy tulǵalaryna qatysty QR QK 232-baby boıynsha is qozǵaldy», - dedi oblystyq prokýratýranyń baspasóz qyzmetinen.
Tergeý júrgizilip jatyr. Baspasóz qyzmetiniń aqparaty boıynsha, ázirge eshkimge aıyp taǵylǵan joq.
Osyǵan deıin habarlanǵandaı, Qaraǵandy oblysynyń Kókpekti aýylyndaǵy sý qoımasy bógetiniń shaıylyp ketýine baılanysty 31 naýryz kúni túnde 300-den astam úı sý astynda qaldy. TJ saldarynan 5 adam qaza boldy. 125 adam qutqaryldy. TJ faktisi boıynsha qylmystyq is qozǵaldy.
